Punëtoria për Informimin, Komunikimin dhe Konsultimin me palët e interesuara të Këshillit për bashkëpunim ndërmjet Qeverisë dhe shoqërisë civile u mbajt më 24-25 nëntor 2021. I ndjekur nga Anëtarët e Këshillit dhe përfaqësuesit e Njësisë për Bashkëpunim me OSHC-të të Sekretariatit të Përgjithshëm, diskutimi kishte për qëllim arritjen e një mirëkuptimi të përbashkët për parakushtet kryesore për komunikim efektiv të brendshëm dhe të jashtëm të Këshillit dhe për përmirësimin e komunikimit të përgjithshëm strategjik me palët kryesore të interesit.
Analiza e mëparshme nga ekspertët e Projektit të AT theksonte nevojën për më shumë dukshmëri, komunikim proaktiv dhe ndërgjegjësim për ngjarjet në rritje, përmes vendosjes së komunikimit të rregullt me mediat dhe përmirësimit të mjeteve online për shtrirje më të mirë të OSHC-ve dhe publikut të gjerë në të gjithë vendin.
Gjatë diskutimit, theksi u vu në planifikimin e punës së Këshillit në përputhje me prioritetet kryesore që burojnë nga Strategjia e Qeverisë për bashkëpunim me shoqërinë civile dhe Plani i Veprimit.
Këshilli dhe Njësia për bashkëpunim me OSHC-të u angazhuan që plani vjetor i punës për vitin 2022 të zhvillohet dhe miratohet në dhjetor, në bazë të të cilit do të zhvillohet Plani i Komunikimit i Këshillit me qëllim që të miratohet në janar 2022.
Projekti i AT i financuar nga BE-ja mbështet Këshillin dhe Njësinë për bashkëpunim me OSHC-të përmes ekspertizës dhe praktikës më të mirë të BE-së, në arritjen e komunikimit më të mirë me anëtarët dhe palët e interesuara, përfshirë rritjen e transparencës dhe dukshmërisë ndaj publikut të gjerë.
Agjenda e seminarit mund të gjendet këtu.
