На 15 декември 2021 година се одржа „Работилница за стратешко планирање – Изработка на Годишен план за работа за 2022 година на Советот за соработка меѓу Владата и граѓанското општество“. На работилницата, присутните членови на Советот за соработка со граѓанските организации. Претставниците на Одделението за соработка со граѓанските организации на Генералниот секретаријат на Владата и експертите од Проектот за техничка поддршка ги дискутираа приоритетните цели на Советот во 2022 година.
На настанот присуствуваше и претставничката на Делегацијата на Европската Унија во РСМ, г-а Ирена Иванова, која во своето воведно обраќање зборуваше за важноста на меѓусекторската соработка, нагласувајќи дека „силен и отворен Совет, кој ефикасно ја извршува својата советодавна улога кон Владата“ е од клучно значење за унапредување на политиките за овозможувачка средина за развој на граѓанското општество.
Учесниците разговараа за главните критериуми за вклучување на активностите во Работниот план на Советот, како и за можностите да се контактираат органите на локалната самоуправа и граѓанското општество низ земјата преку тематски седници на Советот надвор од главниот град. Беше спомната и поблиска соработка со ЕУ и другите донатори во РСМ со цел да се воспостави редовен проток на информации, како и да се идентификуваат областите на соработка и потенцијална поддршка за имплементација на владината стратегија за соработка и развој на граѓанското општество. Работилницата беше организирана со поддршка на проектот „Техничка поддршка за подобрување на овозможувачката средина за граѓанските организации во Република Северна Македонија“ финансиран од ЕУ, а во рамки на активностите за подобрување на Институционалната рамка за соработка со граѓанското општество во РСМ.
